حقك عليا يا شهر كريم
حقك عليا بجد بجد
حقك عليا يا شهر الصوم
حقك عليا بجد بجد
تلات ترباعك راح في النوم
خدتك هزار ونسيت الجد
يسرا وفيفي وميرفت أمين
شفت التلاته ما نفعني حد
مسلسلات على قمر الدين
قهوة وشيشة هدتني هد
كان عقلي فين كان أهلي فين
العيب عليا ومابالومشي حد
مريت عليا كأنك يوم
صعبان عليا مرورك مر
معقولة عدت تلاتين يوم؟؟
صعبان عليا يا أجمل شهر
مابين قطايف ومكسرات
ما بين برامج ومسلسلات
فنانين على رقصات
طرت مني ومابالومشي حد
غير نفسي مين ممكن ألوم؟؟
ما فضلشي منك ولا نص يوم
تجري أوام والعيد يهل
فتحت بُقي وموزبهل
إمتى تاني تعود أوام
أوام تعال وبجد وعد
هتيجي تاني و بعد عام
هاتشوف ساعتها هاخدك بجد
ليست هناك تعليقات:
إرسال تعليق